اسلام آباد(مانیٹرنگ ڈیسک)نجی ٹی وی پروگرام میں گفتگو کرتے ہوئے سینئر صحافی و تجزیہ کار ڈاکٹر شاہد مسعود نے انکشاف کرتے ہوئے کہا ہے کہ ختم نبوت ؐ حلف نامے میں تبدیلی کے ذمہ دار کمیٹی کے 34ارکان ہیں اور یہ سب جان بوجھ کر مشترکہ طور پر کیا گیا ہے تاکہ کرپشن اور منی لانڈرنگ جیسے معاملات سے توجہ ہٹائی جا سکے۔ انہوں نے پروگرام میںگفتگو کرتے ہوئے پیپلزپارٹی کے کو چیئرمین آصف زرداری سے متعلق انکشافیا کہ فریال تالپور پیپلزپارٹی کو ٹیک اوور کر چکی ہیں جبکہ آصف زرداری بھی ان سے مشورہ کئے بغیر کچھ نہیں کرتے۔ ڈاکٹر عاصم کو عہدے سے ہٹائے جانے کے پیچھے بھی فریال تالپور ہیں۔ بلاول بھٹو اپنی پھوپھی کی سائیڈ پہ ہیں۔ بدلتی ہوئی صورتحال میں زرداری نے این آر او کیلئے میسج بھجوایا ہے جس میں کہا گیا ہے کہ میری بہن فریال تالپور کے خلاف مقدمات چلانا چاہتے ہیں تو چلائیں لیکن مجھے اور میرے دوستوں کو باہر جانے دیں۔

اپنا تبصرہ بھیجیں