چین: ہر انسان کی خواہش ہوتی ہے کہ وہ اپنی محبت کا اظہار کچھ الگ طریقے سے کرے تاکہ ساری زندگی وہ اس لمحے کو یاد رکھ سکے۔ ایسا ہی کچھ چین میں موجود ایک لڑکے نے کیا۔ تفصیلات کے مطابق چین کے رہائشی ’’ چن منگ‘‘ نے اپنی گرل فرینڈ ’’لی ‘‘سے شادی کی خواہش اظہار انوکھے اور انتہائی مہنگے طریقے سے کیا۔
منگ نے لی سے شادی کرنے کی خواہش کا اظہار کرنے کے لیے اپنی گرل فرینڈ کی سالگرہ کا دن منتخب کیا اور سالگرہ کی سرپرائز پارٹی منعقد کی جس میں انہوں نے اپنے اور لی کے تمام دوستوں کو مدعو کیا تاہم سب کے آجانے کے بعد منگ نے ایپل کے جدید ترین اسمارٹ فون ’’آئی فون ایکس‘‘ کے 25 سیٹس کی مدد سے ایک بڑا سا دل بنایا، اس کے ارد گرد گلاب کی پتیاں رکھیں جس کے درمیان میں ایک خوبصورت انگوٹھی موجود تھی جبکہ یہ دیکھ کر لی اور تقریب میں موجود تمام افراد دنگ رہ گئے اور انہوں نے منگ کے محبت کے اظہار کے طریقے کو خوب سراہا۔
واضح رہے کہ اس وقت ایک ایپل آئی فون ایکس کی قیمت پاکستانی ڈیڑھ لاکھ روپے تک ہے تاہم انہوں نے ایک نہیں دو نہیں پورے 25 آئی فون ایکس لی کو تحفہ میں دیے جو واقعی ایک انوکھا طریقہ ہے۔

اپنا تبصرہ بھیجیں