اسلام آباد::تین ریفرنسز کو یکجا کرنے کے معاملے پر عدالت نے فیصلہ محفوظ کر لیا کل سنایا جائے گا۔ تین ریفرنسز کو یکجا کرنے کے معاملے پراحتساب عدالت نے سماعت کی ۔عدالت نے دلائل مکمل ہونے پر کچھ دیر پہلے فیصلہ محفوظ کر لیا ۔عدالت نے کہا کہ وہ تین ریفرنسز کو یکجا کرنے کے معاملے پر کل فیصلہ سنائے گی ۔یاد رہے کہ 19 اکتوبر کو احتساب عدالت نے ایون فیلڈ ریفرنس میں نواز شریف، مریم نواز اور کیپٹن ریٹائرڈ صفدر پر فرد جرم عائد کی تھی جبکہ اسی روز عزیزیہ اسٹیل ریفرنس میں بھی نواز شریف پر فرد جرم عائد کردی گئی۔ بعد ازاں عدالت کا وقت ختم ہونے کے باعث اس سے اگلے روز 20 اکتوبر کو فلیگ شپ انویسٹمنٹ ریفرنس میں بھی نامزد ملزمنواز شریف پر فرد جرم عائد کردی گئی۔

اپنا تبصرہ بھیجیں