واشنگٹن (مانیٹرنگ ڈیسک)امریکا میں پاکستانی سفارتخانےنے سابق سفیرحسین حقانی کی تصویر ہٹانے کے معاملے پر یو ٹرن لے لیا۔ لاعلمی کا اظہار کرنے کے بعد پھرکہا گیا کہ کھانے کی ٹیبل لگاتے ہوئے حسین حقانی کی تصویرگرگئی تھی۔ حسین حقانی کہتے ہیں کیا تاریخ سے ساڑھے تین سال مٹ گئے۔امریکامیں پاکستان کےسابق سفیرحسین حقانی کی تصویر واشنگٹن میں پاکستانی سفارتخانے سےاتارنے کے معاملے پر یو ٹرن لے لیا گیا۔ پاکستان سے متعلق منفی سرگرمیوں کے نام پرحسین حقانی کی تصویراتارنے پرپہلے لاعلمی کااظہار کیا گیا مگر بعد میں سفارتخانے کی جانب سے کہا گیا ہےکہ حسین حقانی کی تصویر کھانے کی ٹیبل لگاتے ہوئے گرگئی ۔واشنگٹن میں واقع پاکستانی سفارتخانے کی گیلری میں قیام پاکستان سے لے کر اب تک کے تمام سفراء کی تصاویر لگائی گئی ہیں لیکن حسین حقانی کی تصویر ہٹائے جانے کے بعد اب ان کے دور کی یعنی 2007 سے 2011 تک کی کوئی تصویر موجود نہیں۔واضح رہے کہ سابق سفیرحسین حقانی اس وقت امریکا میںہی موجود ہیں جہاں ان کی پاکستان مخالف سرگرمیوں میں ملوث ہونے کی نشاندہی کئی بار قومی اسمبلی کے اجلاسوں اور دیگر فورمز پر بھی کی جا چکی ہے۔سابق سفیرنے اپنی تصویر ہٹانے پرسخت ردعمل ظاہرکرتے ہوئے ٹوئٹر پرلکھاکہ کیا تاریخ سے ساڑھے تین سال مٹ گئے؟۔

اپنا تبصرہ بھیجیں