اسلام آباد (مانیٹرنگ ڈیسک) ایم کیو ایم پاکستان کے رہنما فاروق ستار نے ایک نجی ٹی وی چینل کے پروگرام میں گفتگو کرتے ہوئے کہاکہ ایم کیو ایم سے شادی کے لیے رشتہ تحریک انصاف نے بھیجا ہے، انہوں نے کہا کہ ہم رشتے پر راضی ہیں مگر تحریک انصاف میں جھگڑا ہو گیا ہے کہ پہلے بڑی بہن کی شادی ہو گی یا چھوٹی بہن کی۔ فاروق ستار نے پروگرام کے میزبان سلیم صافی سے بات چیت کرتے ہوئے کہا کہ قومی ضرورت کے لیے تحریکانصاف والوں کو میری یہ بات بری نہیں لگے گی، پروگرام کے دوران میزبان نے فاروق ستار سے کہا کہ آپ لڑکے والے ہیں آپ کو رشتہ مانگنے کے لیے جانا چاہیے تھا جس پر فاروق ستار نے کہا کہ اب زمانہ ایسا آ گیا ہے کہ لڑکی والے بھی رشتہ لے کر جاتے ہیں۔ یہاں یہ بات یاد رہے کہ ایم کیو ایم والے بھی قائد حزب اختلاف کی تبدیلی کے خواہش مند ہیں۔ وہ بھی چاہتے ہیں کہ پیپلز پارٹی کے خورشید شاہ کی جگہ کوئی اور حزب اختلاف کا قائد ہونا چاہیے۔

اپنا تبصرہ بھیجیں