اسلام آباد (آئی این پی) سابق وزیراعظم نواز شریف نے کہا ہے کہ مشکلات کے باوجود حوصلہ بلند ہے‘ میرے دور حکومت میں ملک ترقی کررہا تھا۔ بدھ کو پنجاب ہائوس میں لاہور روانگی سے قبل نجی ٹی وی سے غیر رسمی گفتگو کرتے ہوئے کہا کہ مشکلات کے باوجود حوصلہ بلند ہے ملکی پیداوار میں 5.3 فیصد ترقی ہوئی ملک میرے دور میں ترقی کررہا تھا۔ دوسری جانب سابق وزیراعظم محمد نواز شریف لاہور روانگی کے لئے پنجاب ہائوس سے نکلے تو وزیراعظم شاہد خاقان عباسی نے انہیں گلے لگا کر رخصت کیااس موقع پر مسلم لیگ (ن)کے رہنمائوں اور کارکنوں کی بڑی تعداد نواز شریف کے ہمراہ تھی‘ کارکنوں نے پارٹی جھنڈے اور نواز شریف کی تصویر والے پوسٹر اٹھا رکھے تھے۔ بدھ کو سابق وزیراعظم محمد نواز شریف لاہور روانگی کے لئے گیارہ بج کر بیالیس منٹ پر پنجاب ہائوس سے نکلے۔ اس موقع پر وزیراعظم شاہد خاقان عباسی اور دیگر مسلم لیگی رہنما پہلے سے ہی ان کے استقبال کے لئے گاڑی کے پاس موجود تھے محمد نواز شریف سے وزیراعظم شاہد خاقان عباسی اور اسحاق ڈار گلے ملے اور انہیں الوداع کیا۔

اپنا تبصرہ بھیجیں