اسلام آباد(مانیٹرنگ ڈیسک) سپریم کورٹ نے نواز شریف کی نا اہلی کا فیصلہ سنایا تو آج سے 8 ماہ قبل سابق صدر آصف علی زرداری کے مرشد اور پیش گوئیوں کے حوالے سے معروف پیر اعجاز شاہ کی پیش گوئی سچ ثابت ہو گئی۔ تفصیلات کے مطابق آج سے ٹھیک 8 ماہ قبل سابق صدر زرداری کے پیر اعجاز شاہ نے پیش گوئی کی تھی کہ وزیر اعظم نواز شریف کو پانامہ لیکس کیس میں کچھ بھی نہیں ہونے والا البتہ وہ کسی اور کیس میں سپریم کورٹ سے ضرور فارغ ہو جائیں گے۔ پیر اعجاز شاہ نے کہا کہ میں نے گزشتہ روز آصف علی زرداری کی والدہ کی برسی بھی کروائی جس کی ٹی وی چینلز نے کوریج تو کی لیکن خبریں نہیں چلائیں، پیر اعجاز شاہ نے کہا کہ وزیر اعظم نواز شریف پانامہ لیکس کیس میں سپریم کورٹ سے آرام سے بچ جائیں گے اور انہیں کچھ نہیں ہوگاالبتہ کوئی اور کیس انہیں لے ڈوبے گا۔ پیر اعجاز شاہ سیاسی معاملات میں عمران خان کو بھی مشورے دے چکے ہیں۔واضح رہے کہ کچھ حلقوں کے مطابق سابق صدر آصف علی زرداری اپنے مرشد پیر اعجاز شاہ کی اجازت کے بغیر ایک قدم بھی نہیں اٹھاتے۔

اپنا تبصرہ بھیجیں