اسلام آباد (این این آئی)پاک فوج کے سربراہ جنرل قمرجاوید باجوہ نے چینی فوج کوان کی90ویں سالگرہ پر مبارک دی ہے ۔پاک فوج کے ترجمان میجر جنرل آصف غفور کے مطابق پاک فوج جنرل قمر جاوید باجوہ نے چائنہ کے پیپلز لبریشن آرمی کو ان کی 90ویں سالگرہ پر مبارکباد دیتے ہوئے کہاکہ پاکستان اور چین کی افواج کے درمیان خصوصی بندھن قائم ہیں ۔پاک فوج کے ترجمان کے مطابق چین کے اخبار روزنامہ گوانگ منگ کو جاری خصوصی پیغام میں آرمی چیف نے کہا کہ پاکستان دونوں ممالک کی افواج کے درمیان مضبوط پیشہ وارانہ تعلقات اور تعاون کا

ADVERTISEMENT
Ad
حامی ہے ۔دریں اثناء سینٹ میں دفاعی کمیٹی کے سربراہ مشاہد حسین سید نے چینی فوج کی 90ویں سالگرہ پر ایک بیان میں کہاکہ پیپلز لبریشن آرمی دنیا کی سب سے عمدہ او ر پیشہ وارانہ فوج ہے ۔انہوں نے کہاکہ چینی فوج ایشیاء میں امن سکیورٹی اور سلامتی کیلئے کام کرنے کے علاوہ اقوام متحدہ کی امن فوج میں بھی کر دارادا کررہی ہے ۔انہوں نے کہاکہ چینی فوج کو دیگر ممالک میں امن کا کر دار ملنے کے بعد ان کا مزید مثبت کر دار سامنے آئیگا ۔انہوں نے یاد دلایا کہ 2015ء میں یمن میں بحران پیدا ہونے کے بعد چینی فوج نے شہریوں کو نکالنے میں اہم کر دارادا کیا تھا ۔مشاہد حسین سید نے کہاکہ صدر شی جن پنگ کی قیادت میں چینی فوج نے دہشتگردی کے خلاف اہم کر دارادا کیا ہے ۔انہوں نے یاد دلایا کہ چین اور پاکستان کے درمیان مساوی تعلقات کی بنیاد پر چین نے اس سال 23مارچ کو پریڈ کیلئے چینی فوج کا دستہ بھیج دیا تھا ۔انہوں نے کہاکہ پاکستان چین اور چینی افواج کی اپنے ملک کے خلاف جارحیت قلع قمع کر نے کیلئے ان کی حمایت کریگا۔

اپنا تبصرہ بھیجیں