>اسلام آباد(مانیٹرنگ ڈیسک)کشمیر کی تحریک آزادی کو دبایا نہیں جا سکتا، کشمیری ضرور منزل حاصل کر کے رہیں گے، بھارت میں تعینات پاکستانی سفیر عبدالباسط کا یوم پاکستان تقریب سے خطاب۔ تفصیلات کے مطابق نئی دہلی میں یوم پاکستان کی تقریب منعقد کی گئی جس میں بھارت میں تعینات پاکستانی سفیر عبدالباسط نے خطاب کرتے ہوئے کہا کہ کشمیر کی تحریک آزادی کو

دبایا نہیں جا سکتا، کشمیریوں کا عزم اور حوصلہ انہیں منزل سے ہمکنار کرے گا، کشمیر جلد آزاد ہو گا۔ پاکستانی سفیر کا کہنا تھا کہ پاکستان اور بھارت دونوں کو مسائل کا حل مذاکرات کے ذریعے نکالنا ہو گا۔ اس موقع پر پاکستانی ہائی کمیشن کا عملہ اور دیگر مہمان بھی موجود تھے۔تقریب کی کوریج کیلئے بھارتی ذرائع ابلاغ کے علاوہ بین الاقوامی میڈیا کو بھی مدعو کیا گیا تھا۔

اپنا تبصرہ بھیجیں