بیجنگ: خواتین مردوں سے کبھی کبھی آسمان سے تارے توڑ لانے کا تقاضا کرتی ہیں لیکن چین میں ایک شخص نے اپنی محبوبہ کو شادی کا پیغام ایک 33 ٹن وزنی شہابِ ثاقب یا آسمانی پتھر کے ساتھ دیا جو اس نے ایک کروڑ 45 لاکھ پاکستانی روپوں میں خریدا۔
lui-1489686507
چین کے شہری لائی فیائی نے اپنی محبوبہ کو انگوٹھی پیش کی اور شادی کی درخواست کی لیکن خاتون کے ردِعمل سے پہلے ہی نوجوان کے ایک دوست نے عقب میں رکھے ایک بہت بڑے شہابی پتھر سے کپڑا ہٹا دیا جس میں اس آسمانی چٹان کو لپیٹا گیا تھا۔ یہ کوئی عام چٹان نہیں بلکہ خلا سے زمین پر آنے والا ایک آسمانی پتھر ہے جسے 10 لاکھ یوآن (145,000 ڈالر) یعنی ڈیڑھ کروڑ پاکستانی روپے میں خریدا گیا ہے۔
rocks-1489686517
لائی فیائی ایک عرصے سے اس کی تیاری کررہا تھا جس مقصد میں وہ کامیاب ہوا اور لڑکی نے شادی کے لیے ہاں کردی۔ لائی کے مطابق وہ ایک سال قبل کاشغر گیا تھا اور معلوم ہوا کہ کسی مقامی باشندے کے پاس ایک بہت بڑا شہابی ٹکڑا ہے جس کا وزن 33 ٹن ہے۔ اگرچہ خاتون کو اس سے دلچسپی نہ تھی لیکن اصرار پر وہ ان کے ساتھ اس عجوبے کو دیکھنے چل پڑیں۔
rock-1489686525
اس واقعے کی ویڈیو پوری دنیا میں دیکھی گئی اور مشہور ہوئی ہے تاہم ماہرین نے اس چٹان کے خلائی پتھر ہونے پر شک کا اظہار کیا ہے۔ ایک ویب سائٹ کے مطابق چین سے جو دو بڑے شہابِ ثاقب ملے ہیں وہ 28 اور 25 ٹن کے ہیں جب کہ اس کے بارے میں دعویٰ کیا جارہا ہے کہ یہ 33 ٹن وزنی ہے۔

اپنا تبصرہ بھیجیں