اسلام آباد(مانیٹرنگ ڈیسک) وفاقی وزیر داخلہ چوہدری نثار علی خان نے کہاہے کہ پی ایس ایل میں فکسنگ کیس کی تحقیقات کر رہے ہیں ۔ کیس کی تفتیش ایف آئی اے کر رہی ہے اور اگر کوئی کھلاڑی اس مکروہ کام میں ملوث پایا گیا تو اس کی جیل کی ہوا کھانی پڑے گی۔پریس کانفرنس سے خطاب کرتے ہوئے وفاقی وزیرداخلہ چوہدری نثار علی خان نے کہاکہ پاکستان سپرلیگ کے دوران اسپاٹ فکسنگ کا واقعہ انتہائی

افسوسناک ہے۔ اس سے پورے پاکستان کی بدنامی ہوئی ہے۔ پی ایس ایل کو متنازعہ بنا دیا گیا جس سے ہم پوری دنیا میں بدنام ہوئے ۔انہوں نے مزید کہا کہ بار بار اسپاٹ فکسنگ کے واقعات ہونا ہماری کمزوری ہے، 3 کھلاڑیوں کے واقعہ کے بعد ہمیں اس معاملے کو سختی سے نمٹنا چاہیئے تھا۔ ان کا کہنا تھا کہ یہ صرف پاکستان کرکٹ بورڈ یا چند کھلاڑیوں کا مسئلہ نہیں بلکہ پوری قوم کے لئے شرمندگی کا باعث ہے۔

اپنا تبصرہ بھیجیں