پشاور(آن لائن) پاک فوج کے سپہ سالار جنرل قمر جاوید باجوہ نے انکشاف کیا ہے کہ سابق چیف جنرل راحیل شریف کی طرح آج بھی ان کے دفتر میں اے پی ایس کے شہید بچوں کی تصاویر موجود ہیں تاکہ میرا جذبہ ڈگمگائے اور نہ ہی عزم متزلزل ہو۔
تفصیلات کے مطابق پشاور میں آرمی پبلک سکول (اے پی ایس) کے شہدائکی دوسری برسی کے موقع پر منعقدہ تقریب سے خطاب کرتے ہوئے آرمی چیف جنرل قمر جاوید باجوہ نے کہا کہ اے پی ایس کے شہید بچوں اور اور دیگر 22 ہزار شہداء کا خون ہمارے سر پر قرض ہے۔
انہوں نے کہا کہ میں نے اپنے دفتر میں سابق آرمی چیف جنرل راحیل شریف کی طرح اے پی ایس کے شہید بچوں کی تصاویر رکھی ہوئی ہیں اور انہیں گاہے بگاہے دیکھتا رہتا ہوں تاکہ میرا جذبہ ڈگمگائے اور نہ ہی عزم متزلزل ہو۔
آرمی چیف نے کہا کہ میں بھی ایک بھائی، شوہر اور باپ ہوں اور اس درد کو سمجھ سکتا ہوں جو یقیناًقابل برداشت نہیں۔ مولانا صاحب نے فرمایا کہ جو شہید ہوئے وہ یقیناًبہتر جگہ پر موجود ہیں اور ہمیں اس کا شعور نہیں ہے۔
اْنہوں نے بتایاکہ گزشتہ سال بھی ہم نے ایک تقریب کی اور اس سال بھی تقریب کا انعقاد ہو رہا ہے جس کا مقصد یہ یاد رکھنا ہے کہ ہمارا کتنا خون بہایا گیا ہے، ہم بچوں کی قربانیوں کو بھولیں اور راستے سے نہ بھٹکیں۔

اپنا تبصرہ بھیجیں